SELMANA DE LES LLETRES ASTURIANES 2009

Ya pasó un añu. Llevó tiempo abondo ensin actualizar esti blog, pero los que me conoceis sabéis qu'ando con delles coses (asgaya, más bien) y que casi nun tengo tiempo nin pa enredar col ordenador (¡menudu bilordiu!).
Pero nun quería dexar pasar esta fecha, na que cellebramos la Selmana de les Lletres Asturianes, pa entamar otra entrada nel blog, a ver si algamamos aque furrule con seriedá.
Un saludu pa toos y toes les que me lleeis (anque sea d'añu n'añu)

Yo doi la cara pola Oficialidá

Na reforma del Estatutu, yo doi la cara pola Oficialidá

Esi ye'l títulu de les más de 7.500 semeyes que piden la Oficialidá de la Llingua Asturiana. Podeis veles na páxina

http://www.flickr.com/photos/doilacara/

Si tu tamién quies aparecer dando la cara, solo tienes que sacate una semeya col cartelín (onde seya: en casa, na cai, nel trabayu, de folixa,...) y unviala a la páxina de Flickr; eso si, procura que salga curiosa, porque ya que nos ponemos, polo menos salir gayasperos (y gayasperes). Y si tienes tiempo abondo, pues entretenete güeyando conocíos o cares famoses. ¡De xuru qu'atopes unos cuantos! Por cierto, ¿topásteme a mi?

Quemar dempués de lleer

El pasáu vienres estrenóse nos cines el caberu film de los hermanos Cohen, Quemar dempués de lleer, otra obra mayestra d'estos dos xenios. Redonda d'entamu a fin, con personaxes deformaos (xenial esi ¿pasáu d'esteorides? Brad Pitt y el chifláu de John Malkovich) pero que rebosen humanidá y defeutos a más nun poder. Una áceda crítica a la sociedá americana, con guiñu incluíu al estilo de belleza d'Hollywood por una Frances McDormand necesitada d'operaciones médiques, y a los fatos mandamases de la CIA (¿o será la TIA?).

¡Non pues perdétela!

Y dentro poco, tendrémosla nes nueses sales tornada a Llingua Asturiana. Equí vos dexó'l cartelu.

L'ASTURIANU FILMS 3

Tornamos con más estrenos de cine y DVD na nuesa llingua. Esperamos que vos preste.

L'ASTURIANU MÚSICA

¡Ye increíble la llabor que ta faciendo l'equipu de L'Asturianu! Si fai pocu taben preparando cartelos pa los prósimos estrenos de cine n'Asturianu, agora ablúcannos con una nueva propuesta: música n'Asturianu. Y nun toi falando de Nubero, Dixebra o Felpeyu. ¡Non! Esto ye música complétamente tornada a la nuesa llingua. En breve sentiréislo na radio.

L'ASTURIANU FILMS 2

Equí teneis más noveades que prósimamente van aparecer en cines y TV, gracies abondes a "L'Asturianu Films".

¡Preparáivos p' asaltar los cines!!!!