Pa trabayar en clas 01: HOT POTATOES (ye dicir, pataques calientes)

Ando enredando con un cursín de Pataques Calientes y, navegando pela rede, atopé una Unidá Didáutica fecha nel IES Bernaldu de Quirós sobre la Lliteratura Clásica en Llingua Asturiana.

Pa entrar namás hai que calcar nel títulu o, si quereis lleer tol testu, al final de la páxina. Tien abondes actividades prestoses feches coles Pataques.

Nun se quien ye´l autor y espero que nun se moleste por porner equí l´enllaz (si te parez mal, dícesmelo y quítolu).

¡Qué falta nos faen más trabayos asina pa usar en clas de Llingua!

http://platea.pntic.mec.es/curso20/62_hotpotatoes/html7/UNIDADIDAUTICA.htm

Probando unes semeyes con escudos prestosos

Probando unes semeyes amestaes con SLIDE na rede:

Doyme testarazos contra la paré de pensar qu´acabo publicar esto en 1 minutu y qu´en Educastur tuve una tarde entera engarráu con él y nun fui quien a ello.

Entamamos la versión 2.0

Equí tamos, camudamos de llugar pero seguimos col mesmu nome. Fastídiame reconocelo porque dame muncha rabiona, pero dempués d´enredar y rabilar abondo cola versión primera de El LLinguateru Asturianu, asitiá n´Educastur blog, camudo´l sitiu pa ver como se nos da equí, que parez que tien más capacidá y más facilidá pa xubir semeyes, presentaciones, flash y películes, porque´l d´Educastur nun dexaba xubir ná curiosu.

Pos eso, qu´espero me vaya meyor equí, pero pa qu´echeis una güeyada al anterior sitiu, déxovos esti enllaz:

http://blog.educastur.es/llinguateruasturianu/