Un blog en Llingua Asturiana pa toos y toes que quieran da-y a la llingua n´Asturianu
Agora, a trabayar, que ya ye xueves y queda poco pal fin de selmana (nel que colgaremos delles cosines nueves y prestoses).
¡Bon entamu de cursu pa toos y toes!
DÍA DE LES LLETRES ASTURIANES 2008
Ayeri pela tarde cellebróse n'Uviéu la manifestación del Día de les Lletres Asturianes d´esti añu. Anque fizo una tarde de perros y nun dexó de cayer agua, eso nun impidió la marcha de les más de 3 millones de persones que, atechaos nos paragües o garrando la gran pingadura, reclamaron la Oficialidá de la Llingua Asturiana.
Si n´años anteriores la participación fo mayoritaria, esti añu rompió récords. L´entamu de la marcha, programada pa les 7 la tarde, tuvo que ser aplazada para esperar por tola xente que, n´autobuses, trenes o coches particulares, allegáronse a la capital del Principáu pa reclamar el so drechu.
La plazoletina a la puerta del Teatru Campoamor nun yera atechar a más y más xente que diba llegando dende la cai Uría. Miles de persones quedaron ensin sentir el discursu de pieslle de la manifestación porque tovía taben na Estación de Renfe (o atascaos na estación d´autobuses o nes entraes a Uviéu).
Otra vegada, el Teatru Campoamor tuvo que dexar fuera a miles de persones que, p´abellugase, tomaron toles sidreríes, chigres y cafeteríes de la capital, llevando la folixa hasta altes hores de la nueche. Mientres, yéremos pocos los que, a trompicones mientres nos pesllaben les puertes nes ñaples, algamábemos a entrar. Ellí cellebróse la Xunta estraordinaria de la Academia de la Llingua, onde nomaben a Berta Piñán miembru de l´Academia. Dempués, el discursu d´Ana Cano, quien anunciaba la prósima incorporación de la Llingua Asturiana como llingua cooficial na nuesa comunidá una vez quede aprobá la reforma del Estatutu, cuandu, nesti momentu, ta nidio qu'esiste voluntá y unidá p'algamar esa reforma favoratible a la Llingua. Sentíense voces qu´anunciaben que'l prósimu llunes el gobiernu de Areces y los demás grupos políticos axuntaríense pa desendolcar midíes urxentes pa llegar los acuerdos previstos ente toos.
Pa finar, como reconocimiento al trabayu fechu polos músicos asturianos a favor de la nuesa Llingua, un corciertu de Nuberu (dicen pa van retirase, pero pa mí que tienen tira pa llargu), Los Berrones (ehí, Mon), Llan de Cubel (que grande yes, Marcos), Carlos Rubiera y Dixebra (bono, solo Xune, pero bástase pa poner en pie a tol públicu).
Fino esta cróniquina cola esperanza de que se cumpla lo prometío y l'añu próximu sea de verdá l'últimu d'esti tipo y en 2009 podamos falar en Llingua Asturiana como tien que ser!!!
Ya queda menos pa la OFICIALIDÁ!!!
http://www.asturies.com/alagueta/
Va ya pol númeru 2 de la tercera época y tamién ta fecha pola empresa Arat.net (dibuxos, animaciones y programación web), con idea y testos de María Luz Pontón.La páxina ta dividía en cuatru apartaos:- Selmana de les Lletres, con un testu piquiñín y unes semeyes feches nos coles San Pedru de los Arcos y Baudilio Arce, ambos n´Uviéu.- Una llista llibros, peraprovechables pa les clases de Llingua.- Muséu: La sidra, que ta dividíu en tres: un cuentu en Flash onde un merucu de la mazana nos cuenta cómo se fai la sidra; un testu y semeyes del Muséu de la Sidra, en Nava; "el xuegu de les mazanes", onde tenemos que calcar enriba les mazanes cuando se pongan colloraes (a los escolinos y escolines presta-yos a maza).- El cuentu (en Flash) "Les aventures del Trasgu, capítulu 2" (podemos acceder al anterior nel enllaz d´arriba), con unes preguntines (tipu test) y un xuegu de facer pareyes.
¡¡Nun dexeis de visitar la páxina!!
Si daquien nun-y parez bien que´l equí tengamos puestu un enllaz a la so páxina, namás tien qu´unviame un mensaxe y quítolu nel momentu.
Agora, a trabayar, que ya ye xueves y queda poco pal fin de selmana (nel que colgaremos delles cosines nueves y prestoses).
Aprovecho a poner esti cartelu que "tomé prestáu" de Puertu Asturies (espero que nun m' echen el perru).
Esti ye un xuegu (de xuru que ya lu conoceis) sobre los Conceyos d´Asturies. Tenemos el nuesu mapa con tolos conceyos, de collores pa güeyalos bien, y va faciéndonos 20 entrugues del tipu ¿Ónde ta...?, colo que tenemos que situar el cursor del ratu nesi conceyu nel mapa.
