L'ASTURIANU MÚSICA

¡Ye increíble la llabor que ta faciendo l'equipu de L'Asturianu! Si fai pocu taben preparando cartelos pa los prósimos estrenos de cine n'Asturianu, agora ablúcannos con una nueva propuesta: música n'Asturianu. Y nun toi falando de Nubero, Dixebra o Felpeyu. ¡Non! Esto ye música complétamente tornada a la nuesa llingua. En breve sentiréislo na radio.

L'ASTURIANU FILMS 2

Equí teneis más noveades que prósimamente van aparecer en cines y TV, gracies abondes a "L'Asturianu Films".

¡Preparáivos p' asaltar los cines!!!!

L'ASTURIANU FILMS

Creo que toos y toes coincidimos nel fechu de que ye una pena que nun tengamos películes tornaes a la Llingua Asturiana. A mi prestaríame abondo poder ver nel cine películes na nuesa llingua, con doblaxe, subtítulos,... y fasta los cartelos de les pelis.

Ahora, gracies a la nueva distribuidora de cine n'Asturies, "L'Asturianu Films", podemos ver les prósimes películes que van llegar a les pantalles grandes (y pequeñes):

¡TORNAMOS A CLAS!

Eso mesmo. Tornamos a clas. Un motivo de gayola pa unos, de tristura pa otros. Entamamos un nuevu cursu esti prósimu 11 de setiembre, asina que, pa cellebralo, cuelgo una semeya del cartel d'una película dedicá al 11-S, na que once direutores faen unos curtios sobre lo sucedío esi 11 de setiembre, nun sólo en Nueva York, sinón nel restu'l mundu, que tamién esiste y tamién sufrió delles consecuencies tras esa triste fecha.

Agora, a trabayar, que ya ye xueves y queda poco pal fin de selmana (nel que colgaremos delles cosines nueves y prestoses).

¡Bon entamu de cursu pa toos y toes!

¡Lleguen les vacaciones!

Por fin!!!!

¡Ya yera hora d' escribir esto! De xuru que tolos que tamos trabayando dando clas, de LLingua Asturiana o daqué otra, tuvimos un fin de cursu a tope, finando'l temariu, con escursiones, salides, fiestes y otres folixes. Y por fin tan equí les nueses merecíes vacaciones.

Esti blog tuvo un poquiñín paráu porque nun tuve abondu tiempo pa dir escribiendo (el que ye un desastre ye asina y nun hai d' onde rascar), pero intentaremos dir faciendo más entraes.

Un saludu pa toos y toes qu' entamamos les vacaciones.
Aprovecho a poner esti cartelu que "tomé prestáu" de Puertu Asturies (espero que nun m' echen el perru).

DÍA DE LES LLETRES ASTURIANES 2008

DÍA DE LES LLETRES ASTURIANES 2008

Ayeri pela tarde cellebróse n'Uviéu la manifestación del Día de les Lletres Asturianes d´esti añu. Anque fizo una tarde de perros y nun dexó de cayer agua, eso nun impidió la marcha de les más de 3 millones de persones que, atechaos nos paragües o garrando la gran pingadura, reclamaron la Oficialidá de la Llingua Asturiana.

Si n´años anteriores la participación fo mayoritaria, esti añu rompió récords. L´entamu de la marcha, programada pa les 7 la tarde, tuvo que ser aplazada para esperar por tola xente que, n´autobuses, trenes o coches particulares, allegáronse a la capital del Principáu pa reclamar el so drechu.

La plazoletina a la puerta del Teatru Campoamor nun yera atechar a más y más xente que diba llegando dende la cai Uría. Miles de persones quedaron ensin sentir el discursu de pieslle de la manifestación porque tovía taben na Estación de Renfe (o atascaos na estación d´autobuses o nes entraes a Uviéu).

Otra vegada, el Teatru Campoamor tuvo que dexar fuera a miles de persones que, p´abellugase, tomaron toles sidreríes, chigres y cafeteríes de la capital, llevando la folixa hasta altes hores de la nueche. Mientres, yéremos pocos los que, a trompicones mientres nos pesllaben les puertes nes ñaples, algamábemos a entrar. Ellí cellebróse la Xunta estraordinaria de la Academia de la Llingua, onde nomaben a Berta Piñán miembru de l´Academia. Dempués, el discursu d´Ana Cano, quien anunciaba la prósima incorporación de la Llingua Asturiana como llingua cooficial na nuesa comunidá una vez quede aprobá la reforma del Estatutu, cuandu, nesti momentu, ta nidio qu'esiste voluntá y unidá p'algamar esa reforma favoratible a la Llingua. Sentíense voces qu´anunciaben que'l prósimu llunes el gobiernu de Areces y los demás grupos políticos axuntaríense pa desendolcar midíes urxentes pa llegar los acuerdos previstos ente toos.

Pa finar, como reconocimiento al trabayu fechu polos músicos asturianos a favor de la nuesa Llingua, un corciertu de Nuberu (dicen pa van retirase, pero pa mí que tienen tira pa llargu), Los Berrones (ehí, Mon), Llan de Cubel (que grande yes, Marcos), Carlos Rubiera y Dixebra (bono, solo Xune, pero bástase pa poner en pie a tol públicu).

Fino esta cróniquina cola esperanza de que se cumpla lo prometío y l'añu próximu sea de verdá l'últimu d'esti tipo y en 2009 podamos falar en Llingua Asturiana como tien que ser!!!

Ya queda menos pa la OFICIALIDÁ!!!